بياع الاوهام

الشاعرة – ‏‏⁧أنفاس الفجر⁩.

ياللي تطالع دمعتي فجوف ..عيني

‏وتشوفها تجلس على جسر الاعدام

‏تسأل وش اللي حاصل اليوم فيني..؟؟

‏وش له دموعي ماخذه دور الاصنام

‏شفها تطالع في شفق وجنتيني

‏ ماودها تغرِب على أحزانها العام

‏اللي حصل من قال لي يهتويني

‏واني أمله اللي على اعتاب الأحلام

‏جب الفرح من مهجتي يا ضنيني

‏وخلا بجوفي حسرةٍ كنها السام

‏هو غايبي روح اسأله عن حنيني

‏سياف أحلامي وبياع الاوهام

‏قله وش اللي مآخذه من أنيني

‏وش له يطيح حظ له كم شهر قام

‏جاله وهو توه بشهقة سنيني

‏خلاه يزفر هالنفس جوف الأقلام

‏أبيات شعري هي بقايا اكسجيني

‏تنفث على صدر الورق كل إلهام

‏ذاب القلم والحبر مات بيميني

‏واترمل إحساس الورق والفكر صام

‏ماعاد باقي غير دمعات عيني

‏اللي أمامك تنتظر حكم الاعدام

رئيس التحرير

رئيس التحرير

One thought on “بياع الاوهام

  • 10 سبتمبر 2019 at 10:40 ص
    Permalink

    جميل

اترك رد

%d مدونون معجبون بهذه: