جدل قائم بين ساويرس وهاني شاكر

جولدن بريس

عبر الفنان هاني شاكر نقيب المهن الموسيقية عن استيائه وغضبه من تصريحات نجيب ساويرس بخصوص قرار شاكر بمنع غناء 19 من مؤديين المهرجانات

قال شاكر في مداخلة هاتفية مع الإعلامي عمرو أديب في برنامج “الحكاية” المذاع عبر شاشة MBC مصر “أنا ميشرفنيش أنه يسمعني واللي بيسمع النوعية دي مينفعش يسمعني وتعالى بص على حفل الموسيقى العربية الجمهور كان قد ايه والأغاني اللي اتقدمت واستقبال الجمهور ليا كان ازاي فانا مش محتاج نصيحته علشان استمر اغني مهرجانات، قانون النقابات اني احافظ على حقوق أعضائي ومسمحش والأخ اللي بيقول انت بتهتم بالمعاشات هو أنا جاي اشتغل داية في النقابة واللي عيان اديله الدوا والمسكين اديله لقمة ايه الكلام الفارغ دة”

وأضاف “أنا لغة التهديد دي مش هقبلها وزي ما أنا مش عاجبه هو كمان مش عاجبني والمهرجان اللي عمله انا معلقتش عليه والفضيحة اللي حصلت في الجونة محدش اتكلم عليها وانا عن نفسي سكت واللي ملوش في حاجة ميتكلمش فيها والنقابات مش معمولة علشان ندادي الأعضاء ومصر فين من دة كله مش من حقها أننا نخاف عليها”

واختتم حديثه قائلًا “الوقف دة قرار نهائي لانه مش قراري لوحدي دة قرار المجلس كله”

 

المحتوى أعلاه يتم نشره عبر حسابات المجلة ادناه تفضلوا بالمتابعة :

تويتر

انستقرام

https://instagram.com/golden_press2030?igshid=1m8h0ed7reras

لمزيد من الأخبار المنوعة تفضلوا بزيارة موقعنا ادناه .

Www.goldenpress.news

اترك رد

%d مدونون معجبون بهذه: